þriðjudagur, apríl 29, 2008

Hæ hó
eftir fjögurra ára stúdí þá er engin munur á Ísl og Dk.....not...

Ó nú væri gott að vera laus við verðtryggingardrauginn, lánin hækka og hækka og verðgildi húsnæðis lækkar. Gengið fellur og verðbólga æðir upp... hverjir græða á öllu saman...
bankarnir, þeir græða á verðbólgunni, (lesist verðtryggingunni). Þeir hafa allt sitt á hreinu, nema ef allt fer á hausinn þá sitja þeir upp með mikið af steypu og það óttast þeir.

Stýrivextir
Seðlabanki er með 15,75% stýrivexti til að fyrirtæki og einstaklingar séu nú ekki með neina óráðsíu. Hvað þýðir það, jú þau þar sem ekki er fullkomin samkeppni hér þá þýðir það einfaldlega að fyrirtæki velta hækkandi fjármagnskostnaði út í verðlagið, og hvað þýðir það, hærri verðbólgu, og hvað þýðir það, hærri stýrivextir, og hvað þýðir það hærri fjármagnskostnaður sem er velt í verðlagið, sem sagt eintóm hringavitleysa. Ég á erfitt með að skilja þessi rök, nema ef ætlunin sé einfaldlega að setja fyrirtæki á hausinn, þ.e. neytandi getur ekki borgað meira og fyrirtæki fara á hausinn? Þá er þetta ofur skiljanlegt hjá Seðlabankanum.

Verðtrygging
Nú er það þannig að flest er verðtryggt á einn eða annan hátt, m.a. lán, húsaleiga og laun (að hluta). Þetta hefur þýtt að fjármagnskostnaði er ýtt í verðlagi óháð því hvort fyrirtæki/einstaklingar eru að skapa meiri verðmæti eða hagnast af reglulegri starfsemi. Þetta setur mikla pressu á að ná aukinni framleiðni, því hækkun gjalda án raunverulegrar virðisaukningar (nema ef sala aukist sem gerist yfirleitt ekki þegar verð hækkar) hlýtur að enda með tapi.

Með verðtryggingu er líka verið að búa til verðbólgu, verðtrygging er besta hráefnið í verðbólguna sjálfa! Flest fyrirtæki skýra hækkanir gjaldskrá sinna með orðunum, hækkun á aföngum, hækkun launa og almennar hækkanir í samfélaginu. Ætli það sé ekki 2-3% stöðug verðbólga vegna verðtryggingar, því það er algjör útópía að halda að verð geti verið stöðugt í lengri tíma Íslandi (hefur aldrei gerst allavega). Svo er talað um 2,5% verðbólgumarkmið !!!..

Kannski er þetta skýring á því hvers vegna gjaldmiðilinn féll í vor, það er allavega ekki verið að semja um 5-15% hækkanir launa í Evrópu og það er ekki verið að bjóða 15% innlánsvexti í evrópskum bönkum, það er lítil innstæða fyrir 5 til 15% framleiðni aukningu hjá flestum fyrirtækjum á Íslandi, sem var meðal annars forsenda þess að geta hækkað laun (hin var skattalækkun ríkis úr 18% í 15%). Við getum vart verið samkeppnsifær við útlönd með framleiðsluvöru okkar vegna hárra launa og annar aðfanga, en þetta hefur þó batnaði fyrir innlenda framleiðslu til útflutnings eftir að gengið féll

Annars þarf ekkert að tala um þessa verðtryggingu, þetta er sérislenskt fyrirbrigði sem enginn útlendingur skilur.

Matarverð
Verðtryggingarákvæði lána eru það versta sem til er á. Fræðilega séð getur öflugur innflytjandi getur t.d. hækkað grunn allra húsnæðislána með einföldum hætti. T.d. getur aðili sem flytur inn megin hluta jarðaberja ákveðið að hækka verðið (álagninguna) það mikið að hún hefur áhrif á vísitöluna óháð því hvort nokkur einasti maður kaupi vöruna eður ei.

Nú er allur innflutningur að hækka en fjármálaráðherra ætlar að snú því við með með 4 milljóna framlagi sem á að slá á allar þessar verðhækkanir!! Hvernig í ósköpunum á það að vera hægt spyr ég og ef þetta virkar því er þessu meðul bara ekki alltaf notuð? Ingibjörg S segir að það sé fjarri því eðlilegt að fyrirtæki velti hækkun gengis út í verðlagið, ég held að hún sé ekki "rigtig klog" þegar hún segir þetta, hvað eiga menn að gera þegar gengið fer úr 90 (2 jan) í 120 kr/€. Fyrir utan þetta fer heimsmarkaðsverð hækkandi á matvörum sem hækkar innflutningsverð og allskonar innflutningsbönn og skattar og höft eru enn við lýði hjá ríkisstjórn sem ég hélt að gæti ekki verið meira liberal. Enn er verið að vernda smábændur og innlenda smáframleiðendur á kostnað neytenda, en það verður víst bara ekki sleppt og haldið ef menn ætla sér lækka matarverð og verðbólgu. Verðtryggingin kristallast síðan í tollalögum það sem tollar og gjöld hækka um nákvæmlega sama hlutfall og innkaupsverðið og því hefur ríkið grætt vænar fúlgur í gegnum vörgjöld, tolla og vsk. að undanförnu.

Verðtrygging lána var búin til af mönnum (í 130% verðbólgu ástandi), og það best er að menn geta líka tekið ákvörðun um að láta hana hverfa einn daginn, sem sagt verk manna ekki lögmál. ;-) Ég held reyndar að eina leiðinn til þess er að ganga í ESB.


Gengið og krónan
Það hafa fáir trú á krónunni, Evran er málið, stjórnmálamenn vilja þó ekki missa völd sín og eru á móti, eins eru bankamenn á móti því þá fer verðtryggingin og menn verða að lána á libor vöxtum +2-2,5% álagi, og innlán verða í boði á c.a 2,4% vöxtum, en það er nú ekki merkilegt fyrir íslendinga sem eru vanir 10-15% vöxtum.

Eina svarið er að ganga í ESB og taka upp Evru þá loksins verður stöðugleiki hér og mun lægra matvöruverð og engin verðtrygging. Geta 500 milljónir manna haft rangt fyrir sér, eða erum við bara miklu gáfaðri hérna.


Hvað á ríkisstjórnin að gera til að lækka matarverð ef hún ætlar ekki í ESB
A) Minnka ríkisbáknið t.d. utanríkimál, landbúnaðarmál og eftirlitsstofnanir
B) fórna þó nokkrum smábændum
C) auka frelsi innflutnings/lækkun tolla/lækka skatta / leggja niður vörugjöld á öllu sem ekki er framleitt á Íslandi eða er ekki samkeppnisfært á Íslandi.
D) Átta sig á því að það þarf að endurskoða tekjustofna m.t.t. að minnka verðbólgu.
E) Setja reglur sem hvetja til neyslustýringar á umhverfisvænum vörum. Hækka tolla á stórum bílum og lúxus, lækka tolla á umhverfisvænum bílum

Þetta átti að vera test, en ég byrjað bara á þessu óvart og gat ekki hætt.

sunnudagur, janúar 25, 2004

jæja Ókey... ég ætla þessa síðustu daga mína í Danmörku að gera samanburð á Íslensku og dönsku samfélagi. Ég ætla að taka nokkur atriði sem skipta svona meðal íslendinga máli. Þá er nú oft talað um verðlagið og veðrið sem helsta mun á löndunum. Það er víst ekkert hægt að breyta veðrinu það er alltaf betra í Danmörku, en ég mun sakna þess einna mest að geta ekki gengið í stuttbuxum frá mai og fram í sept, 10-20 júli á íslandi verður að duga, en þetta vita nú allir....

og þá er verðlagið eftir og jú munurinn á lundarfarinu og menningunni... meira um það síðar...

þriðjudagur, desember 30, 2003

ég nenni ekki að blogga ....sorry

fimmtudagur, desember 04, 2003

já já það er kominn desember og það hefur lítið gerst í í atvinnumálum ein og er en ég örvætni ekki þar sem helstu spekingar spá því að allt verði komið á fullt um miðjan jan... þá get ég væntanlega valið úr störfum í febrúar...(vonandi)..

Já mér skilst að það sé erfitt að búa í Barcelóna... ég kannast við þrjár manneskjur sem hafa verið rændar á götum úti...þannig að þetta er crap borg fyrir íslenska túrista...

annars lítið að frétta hér nema að systir mín var í heimsókn í síðustu viku sem var mjög gaman og núna er hér Stefán Stef sem er pólítískur námsflóttamaður og í óðaönn að ljúka lokaverkefni sínu. Á morgun fer Stefán back to Akureyris en ég ætla hitta tvo aðra Íslendinga (Akureyrabúa) sem eru hér í vinnuferð á morgun. En það eru þeir Gestur og Biggi samherjabræður en þeir eru báðir gamlir skólafélagar, annar úr grunnskóla en hinn frá UNAK...það verður gaman...

Gleðileg jól

miðvikudagur, nóvember 19, 2003

Jæja nú er ég hjá Fjólu...og er búinn ða fara í tvö viðtöl auk þess sem ég hef verið að hringja í nokkur fyrirtæki... það gekk ágætlega í þessum viðtölum, en maður veit aldrei neitt strax... maður verður bara að bíða... einnig búin að skoða tvö hús í Hafnafirði... og ætla skoða fleiri...

Búinn að belgja mig út í matarveisljum, fyrst hjá Steinu í afmæli, síðan læri hjá mömmu og Pabba... svo lúða hjá Guffu og Úlla... nú Svínahamborgarahryggur með öllu í gær og síðan Hakkabuff í dag hjá Fjólu... á morgun Sóma samlokuveisla hjá Pabba og á föstudaginn hver veit....
Annars eru allir bílara mun dkítugri hér en í Álaborg og það er búið að flauta nokkrum sinnum á mig í umferðinni, eitthvað sem hefur eiginlega ekki gerst í þau þrjú ár sem ég hef búið í DK....íslendingar eru mun stressaðri í umferðinni og taka öllum svíningum sem persónulegri árás á friðhelgi einkalífsins...og vegirnir eru jú þeirra einkavegir...

Óttar Páll er duglegur, við erum búnir að fara tvisvar í sund og í daga var hann hjá ömmu sinni og sá mynda af mömmusinni og þá tók hann hana og sagði "mamma mamma" og var voða glaður.

föstudagur, október 31, 2003

Undur og stórmerki ég skrifa aftur...og ég keypti upp allan lagerinn af íslenskum snúðum í Gistrup bageri áðan...3 stk. Já þar er víst einhver íslenskur bakari sem ætlar að prófa ð vera með eitthvað annað en þetta ógeð sem fæst í þessum venjulegu norðurjóskum bakaríjum, jydekagere og snegler sem er alveg óétandi... og ef þið íslendingar haldið að allt sem þið kaupið í Copenhagen Konditori í Rvík sé svo danskt þá er það mikill miskiliningur, slíkt góðmeti fæst a.m.k. ekki hér á Jótlandi, fyrir utan kannski eitt bakarí í Árósum, en það er of langt fyrir mig.

Hef verið að helluleggja bílskúrsplanið og steypa og nú er það búið. Síðan veð ég í atvinnutækifærum, var að fá eitt frá Búlgörsku fyrirtæki áðan og er að spá í málið. Einnig hef ég möguleika á að verða skóinnflytjandi á Íslandi og að flytja inn Jólatré (sem eru nátturlega hlægilega ódýr hér). Já er það ekki þetta sem alþjóðleg viðskipti ganga út á???


þriðjudagur, október 14, 2003

Jæja Hamborgarferðin...lagt var að stað kl. 7:00 og vorum við komnir til Árósra kl. 8:05 Jóhann bauð upp á kaffi og lagt var að stað kl 8:20....Við vorum komnir til Flensborgar um einum og hálfum tíma seinna...sem sagt það var keyrt á svona c.a. 150 km á klst. Í Flensburg voru keyptir ostar og áfengi!!! Við vorum síðan í Wedel- Hamborg um kl. 12:35 og líka í þessari fínu heimagistingu hjá gömlum hjónum. Konan minnti mig Mrs. Doubtfire og hún sýndi okkur aðstöuna og vakti einna mesta athygli risastórt bað sem við allir gátum farið saman í. ­... annars talað hún bara þýsku og það var merkilegt hversu vel við skildum hana.... Maðurinn hennar skutlaði okkur síðan á lestarstöðina á splunkunýjum Bens sem keyrður var 452 km. "Gamall nasisti" kom upp í hugann hjá okkur fordómafullum íslendingum, en þetta var allavega besti kall. Lestaferð til Altona þar voru nokkrir bjórar teknir upp


Á leiðinni og síðan tekinn leigubíll á upphitnuarsvæðið , en þar voru kominn saman um 500 íslendingar. Þar var drukkið stíft og borðaðar gómsætar pylsur, sem eru jafnvel betri en danir gera. Þegar við vorum að renna á svæðið sé ég gamlan skólafélaga vera að strunsa burt af svæðinu og verðu mér á orði " Nú er Arnar að redda ódýrari bjór en boðið er uppá á svæðinu”… sienna hitt ég hann og staðfesti hann þessa tilgátu mina, enda var mikill verðmunur, og hann mikill skoti.

Nú að leiknum sjálfum... við sátum lengst upp í rjáfri þ.e. ekki var hægt að vera lengra frá vellinum á þessum stórkostlega leikvangi. 58 þúss manns og troðfullt og stemmingin gríðarleg... fyrsta markið kom alltof snemma, en 1-0 í hálfleik var svosem í lagi, en þegar við jöfnuðum varð allt vitlaust fyrst af fögnuði siðan af vonbrigðum eftir að dómarinn dæmdi markið af. Það kom síðan sem kjaftshögg þegar helv.. þjóðverjarnir skorðuð mark númer tvö 30sek sienna. Eftir þetta var þetta vonlaust og þriðja markið skipti engu máli…

Eftir leikinn röltum við á ballið og hittum þar marga gamal kunningja og vini. Jón Ólafsson poppari sem spilaði á ballinu sagðist aldrei hafa spilað þar sem karlmenn voru í meirihluta á dansgólfinu ..En hljómsveitin var bara hörkugóð….eftir ballið voru rútuferði í miðbæ Hamborgar þ.e. á Herbertstrasse og Rieperbanen sem eru náttúrulega heimsfrægar götur þar sem ungar stúlkur gera manni ýmis gylliboð.
Eftir smá rölt um svæðið var ákveðið að fara heim enda löngu kominn háttatími.

KL 9:00 daginn eftir var lika þetta flotta morgunverðaborð hjá þeirri gömlu, og er skemmst frá því að segja að við gengum allir frá borði, vegna þynnku eftir að hafa borða svona 1/10 af því sem maður hefði borðað óþunnur, sá við okkur þann kost vænstan að leggja okkur í 2 tíma í viðbót en forum heim að stað kl rúmlega 11. og þá án þess að hafa notað stóra baðið góða….ferðin gekk vel heim stoppað var í grensubúðum og bætt á sælgætis, gos og bjórlagerinn.